මරණීය තුවාල
සිදුවෙන්න පෙර
අහම්බෙන් හෝ
මුණගැසුණි නම්
නුඹ…
Advertisements
සිහිනයකදි වුව….
සිහිනයකදි වුව
අතවැසිම මොහොතක
කොහේ හෝ සිට ඇවිත්
අතින් අල්ලා ගන්න
නුඹවත් ඉන්න එක
මට කොච්චරක් වටිනවද..
සිහිනයකදි වුව
අතවැසිම මොහොතක
කොහේ හෝ සිට ඇවිත්
දුක හිතන්නට එපැයි කියන්නට
නුඹවත් ඉන්න එක
මට කොච්චරක් වටිනවද..
සිහිනයකදි වුව
අතවැසිම මොහොතක
කොහේ හෝ සිට ඇවිත්
කඳුළු පිස හරින්නට
නුඹවත් ඉන්න එක
මට කොච්චරක් වටිනවද..
සිහිනයකදි වුව
අතවැසිම මොහොතක
කොහේ හෝ සිට ඇවිත්
ජීවිතය අත හරින්නට එපැයි කියන්නට
නුඹවත් ඉන්න එක
මට කොච්චරක් වටිනවද..
සිහිනයකදි වුව
අතවැසිම මොහොතක
කොහේ හෝ සිට ඇවිත්
එකම එක හාදුවක් දෙන්නට
නුඹවත් ඉන්න එක
මට කොච්චරක් වටිනවද…
යලි නොඑමි…
මට ඕනේ අතුරුදහන් වෙන්න..
කාටවත් දැන ගන්න බැරිවෙන්න
හිටපු තැන අමතක
ඉන්න තැන නොදන්න
සිහින් සුළඟක පාව ගොස්
මීදුමක අතුරුදහන් වෙන්න…
හිත කොනිති නොගැසෙන
හිත කොනිති නොගසන
නොදන්නා තැනක
අතරමං වෙන්න..
ආයෙමත් ආපහු නො එන්න..
-මඟ හැරුණු ඇමතුම-
නුඹේ මඟ හැරුණු ඇමතුම
‘මඟ හැරුණු ඇමතුම්’ කවුළුවෙන්
රතු එළියක් දල්වගෙන
වරින් වර මූණට එබෙන..
නොදැක්කා සේ අහක බැලු විට
හිතේ එක පුංචි ඉඩකට
නිය තුඩින් පහරක් ගසන
තවත් චුට්ටක් බලන් ඉන්නට
තිබුනෙ නැති දැයි
එක තැනක් පහුරු ගාමින්
පුරුදු හඬකින් විමසන
පෙරළා ඇමතුමක් දෙන්නැයි
හීන් හඬකින් මුමුණන
ඉලක්කම් එක එක ඔබමින්
යලි යලිත් මකන…
‘නුඹේ මඟ හැරුණු ඇමතුම’
අද නින්ද උදුරාගෙන ගිය..
~ජීවිතය~
OLYMPUS DIGITAL CAMERA
ජීවිතය තුල
සමහර දවස් ඇත
ජීවත් වෙන බව දැනුණ..
ඒ හැම දවසකම
සෙවනැල්ලක්ව
නුඹ මා ලඟ සිටිය..
ඉතිං මම
නුඹට නම දෙමි
‘ජීවිතය’.
