වළා ඇස අස රැඳී නිතොරව
පැණ සරව දකිමින්ම ලෝකය
සිතැඟි සිත්තම් කරන්නටවත්
ඉඩක් දෙනවද නපුරු ලෝකය
ඉරා කඩ තිර එක් නිමේෂෙක
පෙලා කඩ ඉම තලා පොඩි සිත
හඬවනා කල නිතොර සිතුවිලි
දේදුන්නකින් පාට අරගෙන
හොරෙන් රහසින් අඳිමි සිත්තම
පාට බොඳවුව කමක් නැහැ එය
වටිනවා නොවැ පුංචි ලෝකෙට
මගෙ දෑත් පුංචි බව මම දන්නවා හොඳහැටි….ඒ වුනාට ඒවා මගේමයි…(Hands:Jewel)..
ඇත්තටම ඔව්
කාටවත් නොවටිනවා වුව
මගේ දේ වටින්නේ
මටම වූ නිසාවෙන
ස්තූතියි..!! හේමලයා
සසර පෙර හුරුවකට
දෙගුරු මඟ පෙනුමකට
කුඩා කලෙ සිට දැනුනු තරමින්
අයහ යහ මේ යැයි කියා වත්
දැනේ නම් ඒ පුංචි සිතටම
නපුරු ලෝකයේ රුදු හිතැත්තන්
කුනූප පිරුනු හිස්
බිම තබා කෑ මොර දෙනූ වත්
අපිට මොකටද නෑසූ කනින් වත්
අඳිනු යහපති නුඹේ සිත්තම
සමාධිය පිහිටවා නිතොරම
ෂහ් කවියත් මේ පිළිතුරු කවියත් අපූරුයි… දුකා, මන්දාකිණිය, මගේ සුභපැතුම්….
බොහෝම ස්තූතියි..!!! තිස්ස අයියේ
@දුකා
හ්ම්ම්ම් ඔව්
නපුරු ලෝකය කොතෙක් බාධා
කලත් සිතවට තබා රිදවුම්
අවැසිවූ මඟ
සෙමින් වුව පිය මැනිය යුතුමය..
ස්තූතියි..!! දුකා
කොතරම් බදුන් බිදුනත් කමක් නැහැ….. දෝතින් දිය බීමට හැහිය…
ඔව් හැකිය ..
නමුත් බාධා
ලොවෙන් එමටය
වලක්වන්නට
වෙහෙස ගතයුතු…
ලස්ස්න පද පෙලක්..
බොහෝම ස්තූතියි..!!! ඉලංදාරියා
එක පියවරයි අවැසි වන්නේ
දහස් පියවර මනින්න
ලොවෙන් සැඟවී සීරැවට
නුඹ මවන සිත්තම්
එකට ගෙන කලතමින්
පාට කරමුද අපි,
නුඹේ දෑස් තුලින් බලමින්,
අඳුරැ දුහුවිලි පිරැණෙ මේ
කළු සුදු කුරිරැ ලෝකය,
නූඹේ දෑස් තුලින්……
හරිම අගෙයි නිමන්ති සහෝදරී.
තබා යමු ඒ එකම පියවර
ඉදිරියම අඳුරින් පිරුණා වුව
මගේ දෑසින් බලා ලොව දෙස
සෙමින් රහසින් පාට අරගෙන
සැබෑවම සිත්තම් කරමු අපි
හැඟෙනදේ ලොව දෙස බලාගෙන
බොහෝම ස්තූතියි..!! සහෝදරයා
මේ පුංචි පැටියගෙ හිත ඔයා හරි ලස්සනට කියවල තියෙනව අක්කේ…
බොරු කියන්නෙ මොකටද.. හැමදාමත් වගේ ලස්සන – අරුත්බර පද පෙළක් !
බොහෝම ස්තූතියි..!! මල්ලී..
පාට බොඳවුව කමක් නැහැ එය
වටිනවා නොවැ පුංචි ලෝකෙට
ඇත්ත.
කදිමයි…!
හ්ම්ම්ම්
තමන්ගේ දේ වටිනාකම වැඩියෙන්ම පෙනෙන්නේ තමන්ටනෙ නේද??
බොහෝම ස්තූතියි..!! Charmi
ලස්සන පද පෙලක් ..
බොහෝම ස්තූතියි..!! වැප්
නුඹේ පැණ සර බවම
නපුර ගෙන එනු ඇත නුඹට
සිතුවමක අසිරිය
ගීතයක සොඳුරු බව
මලෙක මෙලෙක
විඳගනු නොහැකි උන්
ඉරා ගිනිබත් කරනු ඇත
හොර රහසේම නුඹ ඇඳි සිත්තම්
තලා දමාවි උන්
නුඹවත්
ඒ නිසා
පරිස්සමින්
සැඟවෙන්න තැනක් නැහැ
ඒ නමුදු
නිහඬ වෙන්නත් බැහැ
නොලැබෙයිද රැකවරණයක්
පුංචිම පුංචිවත්
කාගෙන්වත්ම
මට නැතත්
මගේ සිතැඟි සිතුවම් කල
සිත්තමටවත්…
ඔබේ සිතුවම මා හදේ
සුරක්ෂිතයි දැනටම
මගේ බිය
ඔබ ගැනයි
……………..
( බිත්තර කටුවක්වත් හොයාගන්න වෙයිද?)
හ්ම්ම්ම්
මගේ සිතුවම රැක ගන්න
මට කුමක් වුව කම් නැත 😦
[ ආපෝ..බිත්තර කට්ට යල් පැන ගිය අදහසක්.නැද්ද ඊට වඩා ‘සන්නාහ සන්නද්ධ’ වගේ වචනයක් වත් හොයාගන්නට??පරෙස්සම කොහොම උනත්.]