RSS Feed

Monthly Archives: අගෝස්තු 2011

~මතකයකි මුදු සුවඳ~

හමුව වෙන්වුනු
මතකයකි නුඹ
මුදු සුවඳ තවරලා
සිත මත..

අතින් අත ගෙන
ඇවිද ගිය මඟ
තනිව අද මම
ඔබ ගිහිං දුර..

මිටක් මොලවා
තබාගෙන ඇත
මතක ටික ටික
ඇවිත් ගිය දින..

අත්ල දිග හැර
මුදා හරිනෙමි
හෙමි හෙමින් ඒ
මතක සේරම..

මතක දල්වමි..

තුමුල ගිරි හිස
සෙමින් පසු කර
නැගී එන සඳ
අසල නවතිමි..

ගෙවා ආ මඟ
දිහා හෙමි හිට
මතක දල්වා
හැරී බලනෙමි..

සයුර පාමුල
හැපී වැලපෙන
හිරුට සමුදී
යන්න කියනෙමි..

ඈත දිදුලන
පුංචි තරුවක
සිතේ තිබු මගේ
සතුට රඳවමි..

පාව යන කළු
වලාවක් මත
නෙතින් ගිලිහෙන
කඳුළු සඟවමි..

හමන සුළඟට
සුසුම් මුසු කර
ලොවෙන් සමු ගෙන
නික්ම යන්නෙමි…