RSS Feed

Monthly Archives: ඔක්තෝබර් 2011

~පාට දේදුණු~

දුක හිතෙන හීනෙක
පෙනෙන නොපෙනෙන ඈතක
දම් පාට අහසක
පාට දේදුණු තියෙන්නට හැක..

අත දිගු කල සැනින්
මැකී ගිය මොහොතක
වළාකුළු හෙමිහිට
හැරී බලනට ඇත…

සීත මිහිඳුම් සළුවක්
සමඟ නික්මෙන  කන්දට
ඊට වැඩියෙන් මොහොතක්
නතර වෙන්නට නොහැකිය..

කණමැදිරි එළි එක දෙක
නිවී දැල්වෙන සවසක
කඳුළු බිඳුවක් පිටුපස
තරු තිගැස්සී සැඟවුණා…

Advertisements

සිහිනයක්..

ඈත අහසේ
පාවෙලා යන
මේඝ මේ කුළු
සියක් දහසක්..

අතින් අල්ලා
ගන්න බැරි මුත්
නෙත් අයාගෙන
උසම කන්දක්..

කන්ද පාමුල
හිස නමාගෙන
රැළිති නගනා
දිය කඩිත්තක්..

කිසිත් නොදුටුව
ලෙසින් නිහඬව
බලා සිටිනා
පිච්ච කැකුළක්..