ගිගුරුම් දෙවා අහසම
වැටෙන විට මහ වැසි දිය
නිකමටවත්ම දුටුවද
මගේ කඳුළුත් මුසු වෙලා වග..??
ගත දැවටෙනා මඳනල
සිතේ සරතැස නිමුවද
නිකමටවත්ම හැඟුනද
මුදාහල සුසුමක සිසිල වග..??
පුරුදු මඟ පිය මැන
යන එනා විට හැමදින
නිකමටවත්ම දැනුනද
මාත් ඒ මඟ ආ වග..??
කලාතුරකින් දවසක
දුරක හිඳ අමතන විට
නිකමටවත්ම හිතුනද
ඒ නිහඬ හඬ මගෙ වග..??
ගහක මල් පිපිලා පිපෙන්නේ
ඇයිද නොදන්නෙමි
හිතක මල් පිපිලා පිපෙන්නේ
ඇයිද නොදන්නෙමි
නුඹට සිත බැඳුනේ කිමැයි මා
තවම නොදන්නෙමි
නුඹට හිත බැඳි කාරනේ මම
තවම සොයන්නෙමි..
කතරෙ වැලි කැට හිරුට පෙම් බැඳ
ඇතත් ලෝ දහමින්
සොඳුරු වැස්සට දැවෙන කතරක්
ආදරෙයි පණ මෙන්
ලොවට නොපෙනෙන අරුම සෙනෙහස
ඒ වගෙයි මනරම්
කරනු බැරි තහනම්..
සඳට සදහට සෙනෙහෙ පෑමුත්
උඳුල තරු කැටයම්
හිරුට පෙම් බැඳි එකද තරුවක්
සිටිය නොහැකිද යම්
නුඹට නොහැඟෙන මගේ ප්රේමය
ඒ වගෙයි මනරම්
පුදුම වෙයි නුඹ නම්..
| ස | අ | බ | බ්‍ර | සි | සෙ | ඉ |
|---|---|---|---|---|---|---|
| 1 | 2 | 3 | 4 | 5 | 6 | 7 |
| 8 | 9 | 10 | 11 | 12 | 13 | 14 |
| 15 | 16 | 17 | 18 | 19 | 20 | 21 |
| 22 | 23 | 24 | 25 | 26 | 27 | 28 |
| 29 | 30 | 31 | ||||
You Know That
You Came And
You Changed My World
~මන්දාකිණිය~