පෙෂාවරයට යන්න එන්නැයි
කිව්වා දවසක් හමුවෙලා..
හරිම ලස්සන බිම් පලස් ඇති
ඇෆ්ගනිස්තානය පුරා..
පුංචි මල් ගොමු අතර සරමින්
සිනා වෙන්නට හඬ නඟා..
ආය කවදාවත්ම බැරිවෙයි
සීත හිම කැටි ගල් වෙලා..
උදෑසන පාසලට ඇරලු
පුංචි පුතු ඒ දැයි කියා ..
ගේට්ටුව ලඟ බලන් ඉන්නට
තාම යනවද දිනපතා..?
සේද මාවත අතරමග ඇති
එක් නවාතැනකදි ඔයා..
මලාලා හට මුණ ගැසෙන්නැති
කඳුළු පිරුණද නෙත් පුරා..?
ගහක මල් පිපිලා පිපෙන්නේ
ඇයිද නොදන්නෙමි
හිතක මල් පිපිලා පිපෙන්නේ
ඇයිද නොදන්නෙමි
නුඹට සිත බැඳුනේ කිමැයි මා
තවම නොදන්නෙමි
නුඹට හිත බැඳි කාරනේ මම
තවම සොයන්නෙමි..
කතරෙ වැලි කැට හිරුට පෙම් බැඳ
ඇතත් ලෝ දහමින්
සොඳුරු වැස්සට දැවෙන කතරක්
ආදරෙයි පණ මෙන්
ලොවට නොපෙනෙන අරුම සෙනෙහස
ඒ වගෙයි මනරම්
කරනු බැරි තහනම්..
සඳට සදහට සෙනෙහෙ පෑමුත්
උඳුල තරු කැටයම්
හිරුට පෙම් බැඳි එකද තරුවක්
සිටිය නොහැකිද යම්
නුඹට නොහැඟෙන මගේ ප්රේමය
ඒ වගෙයි මනරම්
පුදුම වෙයි නුඹ නම්..
| ස | අ | බ | බ්‍ර | සි | සෙ | ඉ |
|---|---|---|---|---|---|---|
| 1 | 2 | 3 | 4 | 5 | 6 | 7 |
| 8 | 9 | 10 | 11 | 12 | 13 | 14 |
| 15 | 16 | 17 | 18 | 19 | 20 | 21 |
| 22 | 23 | 24 | 25 | 26 | 27 | 28 |
| 29 | 30 | 31 | ||||
You Know That
You Came And
You Changed My World
~මන්දාකිණිය~