මල් කෙමිය….!!!!

කාලයේ වෙනස පෙන්නා දෙමින්

හිම දියව ගිහින් දැන් මේ දෙසින්

කලු කබා දෙවුර නොදැරූ තුටින්

සමු දුනිමි ශීතලට ඉක්මනින්

වසන්තය අඬගසන පමාවෙන්

හිරු මුවා කරමි මම අත් දෙකෙන්

මල් කෙමිය දසත විසිරුන බැවින්

කුරුළු කිචි බිචි ඇසෙයි දොරකඩින්

පුංචි දළු අතු අගට කැන්දමින්

වසන්තෙට  පෙර ගමන් අරඹමින්

සිටින මේ දසත විසිරුනු දෙයින්

දැනෙයි මට අලුත් ලොව ඉක්මනින්

තුටින් පිලි ගනිමි මම් වෙනද මෙන්

වසන්තය අත ළඟයි ඔන්න දැන්..!!!